டிசம்பர் 31ஆம் தேதிக்குள் இந்த வேலையை முடிக்காத ரேஷன் அட்டைதாரர்கள் தொடர்ந்து ரேஷன் வாங்க முடியாது என்று அரசு அறிவித்துள்ளது.
ரேஷன் கார்டு வைத்திருக்கும் குடும்பங்கள் தங்களுடைய ஆதார் கார்டை அதனுடன் இணைக்க வேண்டும். இல்லாவிட்டால் ரேஷன் கார்டு செயலிழந்துவிடும். ரேஷன் வாங்கவும் முடியாது.ரேஷன் கார்டு என்பது நாட்டிலுள்ள ஏழை எளிய குடும்பங்களுக்கு உதவுவதற்காக அரசு தரப்பிருந்து வழங்கப்படும் அட்டை ஆகும். இதன் மூலம் அரிசி பருப்பு உள்ளிட்ட உணவு தானியங்கள் இலவசமாகவும் மலிவு விலையிலும் வழங்கப்படுகிறது. மற்ற நிதியுதவிகளும் ரேஷன் அட்டைதாரர்களுக்கு கிடைக்கிறது.
ஆதாருடன் இணைப்பு!ரேஷன் கார்டு வைத்திருக்கும் பயனாளிகள் தங்களது ஆதார் கார்டை ரேஷன் கார்டுடன் இணைப்பதை அரசு கட்டாயமாக்கியுள்ளது. குடும்ப உறுப்பினர்களின் ஆதார் கார்டும் ரேஷன் கார்டுடன் இணைக்கப்பட்டிருக்க வேண்டும். மோசடிகளைத் தடுக்கும் நடவடிக்கையாக அரசு இந்த விதிமுறையைக் கொண்டுவந்தது.
அரசின் சலுகைகள்!ரேஷன் கார்டுதாரர்களுக்காக பல சிறப்புச் சலுகைகளை அரசு வழங்கி வருகிறது. இதனால் மக்கள் வெகுவாகப் பயன்பெற்று வருகின்றனர். ரேஷன் கார்டுதாரர்கள் எந்தவிதமான சிரமத்தையும் சந்திக்காத வகையில் அனைத்து வசதிகளையும் செய்து தருவதை அரசு நோக்கமாகக் கொண்டுள்ளது.
அரசு உத்தரவு!ரேஷன் கார்டில் தொடர்ந்து சலுகைகளைப் பெறவேண்டுமானால் ஆதார் கார்டை இணைக்க வேண்டும் என்று அரசு உத்தரவிட்டுள்ளது. எனவே எந்த பிரச்சனையும் ஏற்படாத வகையில் ஆதார் இணைப்பு பணியை குறித்த நேரத்தில் முடிக்க வேண்டும். ஆதார் இணைப்பு தேதியையும் அரசு நிர்ணயித்துள்ளது. அதற்கு முன் இணைக்க வேண்டும்.
கடைசி நாள்!அரசின் உத்தரவுக்குப் பிறகும் நிறையப் பேர் இன்னமும் ஆதார் இணைப்பை முடிக்காமல் இருப்பதாகப் புகார்கள் வந்துகொண்டிருக்கின்றன. இந்த வேலையை நீங்கள் உடனடியாக முடிக்க முடியும். டிசம்பர் 31ஆம் தேதிக்குள் இந்தப் பணியை முடிக்கவில்லை என்றால் ரேஷன் பலன்களை இழக்க நேரிடும்.
ரேஷன் கிடைக்காது!ரேஷன் கார்டில் ஆதார் இணைப்பு பணியை முடிக்க பொது விநியோக (PDS) விற்பனையாளர்களிடம் இலவசமாக முடிக்கலாம். அரசு அறிவுறுத்தியும் பலர் ஆதார் இணைப்பை முடிக்கவில்லை. அப்படிப்பட்ட நிலையில், குறிப்பிட்ட காலத்திற்குள் ஆதார் பதிவு செய்யாவிட்டால் அவர்களுக்கு ரேஷன் கிடைக்காமல் போகலாம். பீகார் மாநிலத்தில் இந்த உத்தரவு கடுமையாக்கப்பட்டுள்ளது.
