சென்னை கடற்கரை ரயில் நிலையம்- புறநகர் பகுதிகளிடையே இயக்கப்பட்டு வரும் மின்சார ரயில்களின் நேரம் இன்று முதல் மாற்றி அமைக்கப்பட்டுள்ளது.சென்னை: கடற்கரை ரயில் நிலையத்திலிருந்து மாநகரின் பல்வேறு நகரங்களுக்கும், புறநகர் பகுதிகளுக்கும் இயக்கப்பட்டு வரும் மின்சார ரயில்களின் நேரத்தை சென்னை ரயில்வே கோட்டம் இன்று முதல் மாற்றி அமைத்து உள்ளது.சென்னை மின்சார ரயில் சேவை:
சென்னையின் மிக முக்கிய பொது போக்குவரத்தாக மின்சார ரயில் சேவை விளங்கி வருகிறது. கடற்கரை ரயில் நிலையத்திலிருந்து சென்னை மாநகரின் பல்வேறு நகரங்களுக்கும், சென்னையின் புறநகர் பகுதிகளுக்கும் இந்த மின்சார ரயில் சேவை வழங்கப்பட்டு வருகிறது.இந்த ரயில் சேவை மூலம் பள்ளி, கல்லூரி மாணவ, மாணவிகள், வேலைக்குச் செல்லும் பெண்கள், ஆணகள், வியாபாரிகள், முதியோர்கள் என நாள்தோறும் ஆயிரத்திற்கும் அதிகமான மக்கள் மக்கள் பயனடைந்து வருகின்றனர்.இந்த மின்சார ரயில் சேவைகள் அவ்வப்போது பராமரிப்பு பணிகளுக்காக ரத்து செய்யப்படுவதும், நேரங்கள் மாற்றி அமைப்பதும் வழக்கமாகும்.
ரயில் சேவை நேரம் மாற்றம்:
அந்த வகையில் தற்போது சென்னை மின்சார ரயில் சேவை நேரம் மாற்றப்பட்டுள்ளது. இது குறித்து சென்னை ரயில்வே கோட்டம் சார்பில் வெளியிடப்பட்டுள்ள செய்தி குறிப்பில் கூறியிருப்பதாவது: "சென்னை கடற்கரை ரயில் நிலையம் - செங்கல்பட்டு, காஞ்சிபுரம், அரக்கோணம் வழித் தடத்தில் இயக்கப்படும் 13 மின்சார ரயில்களின் நேரம் இன்று முதல் மாற்றியமைக்கப்பட உள்ளது.எந்தெந்த வழித்தட ரயில்கள்?
அதன்படி சென்னை கடற்கரை ரயில் நிலையத்திலிருந்து தாம்பரம் ரயில் நிலையம் நோக்கி இயக்கப்படும் மின்சார ரயில்கள் மாலை 4:40 மணிக்கு பதிலாக 4.50 மணிக்கும், இரவு 8.45 மணிக்கு பதிலாக 3.35 மணிக்கும் புறப்படும்.
அதேபோல் கடற்கரை ரயில் நிலையத்திலிருந்து செங்கல்பட்டு ரயில் நிலையம் நோக்கி இரவு 8.35 மணிக்கு பதிலாக 8.45 மணிக்கும், இரவு பத்து மணிக்கு பதிலாக 10.05 மணிக்கு இயக்கப்படும்.
மறுமார்க்கத்தில் செங்கல்பட்டு ரயில் நிலையத்திலிருந்து கடற்கரை ரயில் நிலையத்திற்கு அதிகாலை 4:45 மணிக்கு பதிலாக 4.55 மணிக்கும், மாலை 5:45 மணிக்கு பதிலாக ஆறு மணிக்கும், நாளை 6.10 மணிக்கு பதிலாக 6.15 மணிக்கும், இரவு 7.30 மணிக்கு பதிலாக 7.35 மணிக்கும், இரவு 8.05 மணிக்கு பதிலாக 7.05 மணிக்கும், இரவு 8.30 மணிக்கு பதிலாக 8.20க்கும் புறப்படும்.மேலும் காஞ்சிபுரம் ரயில் நிலையத்திலிருந்து கடற்கரை ரயில் நிலையத்திற்கு காலை 6.10 மணிக்கு இயக்கப்படும் ரயில் 6.15 மணிக்கும் அரக்கோணம் ரயில் நிலையத்திலிருந்து கடற்கரை ரயில் நிலையத்திற்கு 5.50 மணிக்கு இயக்கப்படும் ரயில் ஆறு மணிக்கும் இயக்கப்படும்.
