ஐக்கிய அரபு எமிரேட்ஸ் (UAE) அமைச்சரவை 2024 ஆம் ஆண்டிற்கான பொது மற்றும் தனியார் துறைகளுக்கான அதிகாரப்பூர்வ விடுமுறையை அறிவித்துள்ளது.
ஐக்கிய அரபு அமீரகத்தில் ஏராளமான இந்தியர்கள் வசித்து வருகின்றனர். வேலை, தொழில், கல்வி என பல்வேறு காரணங்களுக்காக அமீரகத்தில் வசித்து வருகின்றனர். சிலர் தனியாகவும் சிலர் குடும்பத்துடன் அமீரகத்தில் வசித்து வருகின்றனர். அவர்கள் சொந்த ஊர் திரும்புவது மற்றும் குடும்பத்துடன் நேரத்தை செலவழிப்பது போன்ற காரணங்களுக்காக அந்நாட்டு அரசின் விடுமுறைக்காக காத்துள்ளனர்.இந்நிலையில் ஐக்கிய அரபு அமீரக அரசின் அமைச்சரவை வரும் 2024 ஆம் ஆண்டுக்கான பொது விடுமுறை பட்டியலை வெளியிட்டுள்ளது. பொது விடுமுறை அரசு மற்றும் தனியார் துறைகளுக்கு நீட்டிக்கப்பட்டுள்ளது. அதன்படி புத்தாண்டு தினம் 2024 ஆம் ஆண்டின் முதல் பொது விடுமுறை நாளாக அறிவிக்கப்பட்டுள்ளது அதைத் தொடர்ந்து ரம்ஜானின் முடிவைக் குறிக்கும் ஈத் அல் பித்ர் நாளுக்காக ரம்ஜான் 29 முதல் ஷவ்வால் 3 வரை விடுமுறை அறிவிக்கப்பட்டுள்ளது.
இதன்மூலம் எப்படியும் குறைந்தது 4 நாட்களாவது விடுமுறை கிடைக்கும் என கூறப்படுகிறது. அரபாத் தினத்தை முன்னிட்டு துல்-ஹிஜ்ஜா 9ஆம் தேதி விடுமுறை அறிவிக்கப்பட்டுள்ளது. ஈத் அல் அதா, அதாவது தியாக திருநாள் அல்லது பக்ரித் திருநாளை முன்னிட்டு துல்-ஹிஜ்ஜா 10 முதல் 12 வரை விடுமுறை அறிவிக்கப்பட்டுள்ளது.இஸ்லாமிய புத்தாண்டு அதாவது மொஹரம் பண்டிகையை முன்னிட்டு முஹர்ரம் 1ஆம் தேதி பொது விடுமுறை அறிவிக்கப்பட்டுள்ளது. நபிகள் நாயகத்தின் பிறந்தநாளை முன்னிட்டு ரபீ அல் அவ்வல் 12ஆம் தேதி விடுமுறை அறிவிக்கப்பட்டுள்ளது. ஐக்கிய அரபு எமிரேட்ஸின் தேசிய தினத்தை முன்னிட்டு டிசம்பர் 2 மற்றும் 3 ஆகிய தேதிகளில் விடுமுறை அறிவிக்கப்பட்டுள்ளது.சில விடுமுறை நாட்களுக்கான அதிகாரப்பூர்வ தேதிகள் சந்திரனைப் பார்ப்பதன் அடிப்படையில் நிகழ்வுகளுக்கு நெருக்கமாக உறுதிப்படுத்தப்படும் என்றும் தெரிவிக்கப்பட்டுள்ளது. மொத்தத்தில் 2024 ஆம் ஆண்டில் மொத்தம் 13 நாட்கள் விடுமுறை அறிவிக்கப்பட்டுள்ளது. மேலும் இஸ்லாமிய காலண்டரின் அடிப்படையில் இந்த விடுமுறைகள் அறிவிக்கப்பட்டுள்ளன.
இந்த விடுமுறைகள் ஊழியர்களுக்கு ஒரு வருடத்தில் கிடைக்கும் 30 நாட்கள் விடுமுறைகள் அல்லாமல் கிடைக்கும் கூடுதல் விடுமுறைகள் ஆகும். மேலும் இவற்றில் ஏழு பொது விடுமுறை நாட்களில் நான்கு வார இறுதி நாட்களில் வரும். அதோடு நீண்ட விடுமுறை நாட்களாக ஆறு நாட்கள் உள்ளன.
இந்த விடுமுறைகள் ஊழியர்களுக்கு ஒரு வருடத்தில் கிடைக்கும் 30 நாட்கள் விடுமுறைகள் அல்லாமல் கிடைக்கும் கூடுதல் விடுமுறைகள் ஆகும். மேலும் இவற்றில் ஏழு பொது விடுமுறை நாட்களில் நான்கு வார இறுதி நாட்களில் வரும். அதோடு நீண்ட விடுமுறை நாட்களாக ஆறு நாட்கள் உள்ளன.
