14 மாத இடைவெளிக்கு பிறகு நியூசிலாந்து டி20 அணியில் மீண்டும் கேப்டனாக கேன் வில்லியம்சன் இடம்பெற்றுள்ளார். வரும் 12ம் தேதி முதல் பாகிஸ்தானுக்கு எதிரான 5 போட்டிகள் கொண்ட டி20 தொடரில் நியூசிலாந்து அணி விளையாட உள்ளது. இந்த தொடருக்கான நியூசிலாந்து அணி அறிவிக்கப்பட்டது. அதில், டி20 உலகக் கோப்பைக்கு பிறகு கேப்டனாக கேன் வில்லியம்சன் நியூசிலாந்து டி20 அணிக்கு திரும்பியுள்ளார்.
கடைசியாக 2022 நவம்பர் 20ம் தேதி டி20 போட்டியில் விளையாடிய நிலையில், தற்போது 14 மாதங்களுக்கு பிறகு மீண்டும் கேன் வில்லியம்சன் நியூசிலாந்து டி20 அணியில் கேப்டனாக இடம்பெற்றுள்ளது கிரிக்கெட் உலகில் எதிர்பார்ப்பை தூண்டியுள்ளது. நியூசிலாந்து கிரிக்கெட் அணிக்கு அவர் கொண்டு வரும் திறமை மற்றும் தலைமைத்துவத்திற்காக ரசிகர்கள் ஆவலுடன் காத்திருக்கின்றனர்.
நியூசிலாந்து கிரிக்கெட்டின் இந்த முக்கிய தருணம் ரசிகர்கள் மற்றும் கிரிக்கெட் ஆர்வலர்களை உற்சாகத்தில் ஆழ்த்தியுள்ளது. நியூசிலாந்து அணியின் மதிப்பிற்குரிய கேப்டனான கேன் வில்லியம்சன், சமீப காலமாக இல்லாதது அணியின் தலைமைத்துவத்தில் மட்டுமல்ல, அவர்களின் ஆட்டத்திலும் உணரப்பட்டது. கேன் வில்லியம்சனின் தலைமை, யுத்தி என பல்வேறு அம்சங்கள் நியூசிலாந்து அணியில் இல்லாமல், தடுமாறியது.
இந்தாண்டு ஐசிசி டி20 உலகக்கோப்பை தொடர் நடைபெற உள்ள நிலையில், தற்போது, பாகிஸ்தானுக்கு எதிரான டி20 தொடரில் நியூசிலாந்து அணியின் கேப்டனாக மீண்டும் கேன் வில்லியம்சன் திரும்பி இருப்பது பெரும் எதிர்பார்ப்பை ஏற்படுத்தியுள்ளது. கேப்டன் வில்லியம்சன் திரும்பியது தனிப்பட்ட வெற்றி மட்டுமல்ல, இது ஒட்டுமொத்த அணிக்கும் ஊக்கமளிக்கும் முடிவாகும்.
களத்திற்கு உள்ளேயும், வெளியேயும் அவரது தலைமையானது அணியில் நம்பிக்கையையும், ஊக்கத்தையும் ஏற்படுத்தும். கடந்த ஐபிஎல் 2023 சீசனில் கேன் வில்லியம்சனுக்கு முழங்காளில் காயம் ஏற்பட்டது. அதன்பிறகு நீண்ட காலம் கிரிக்கெட்டில் இருந்து விலகி ஓய்வில் இருந்தார். ஒருநாள் உலகக் கோப்பையில் சரிவர விளையாட முடியவில்லை. இதற்கு பிறகு, வங்கதேசதுக்கு எதிரான டெஸ்ட் தொடரில் இடம் பெற்றிருந்த நிலையில், ஒருநாள் மற்றும் டி20 தொடரில் அவருக்கு ஓய்வு அளிக்கப்பட்டது.
இப்போது மீண்டும் நியூசிலாந்து டி20 அணிக்கு திரும்பி உள்ளது வலுவாக பார்க்கப்படுகிறது. எனவே, பாகிஸ்தான் அணி நியூசிலாந்துக்கு எதிராக ஜனவரி 12 முதல் ஜனவரி 21 வரை 5 போட்டிகள் கொண்ட டி20 தொடரில் விளையாடுகிறது. கேப்டனாக கேப்டன் வில்லியம்சன் செயல்பட உள்ளார்.
நியூசிலாந்து அணி: கேன் வில்லியம்சன் (கேப்டன்), டெவோன் கான்வே, ஃபின் ஆலன், டிம் சீஃபர்ட், டேரில் மிட்செல், கிளென் பிலிப்ஸ், மார்க் சாப்மேன், ஜோஷ் கிளார்க்சன், மிட்செல் சான்ட்னர், மாட் ஹென்றி, இஷ் சோதி, டிம் சவுத்தி, லாக்கி பெர்குசன், ஆடம் சியர்ஸ் ஆகியோர் உள்ளனர்.
