இசையமைப்பாளர் ஏ.ஆர்.ரஹ்மான் இன்று தனது 57-வது பிறந்த நாளை கொண்டாடி வருகிறார். அவருக்கு ரசிகர்கள் மற்றும் சினிமா பிரபலங்கள் என பலரும் தங்களுடைய பிறந்த நாள் வாழ்த்துக்களை தெரிவித்து வருகிறார்கள். ரோஜா படத்தின் மூலம் இசையமைப்பாளராக அறிமுகமான இவர் பல படங்களில் இசையமைத்து 2 ஆஸ்கர் உள்ளிட்ட பல முக்கிய விருதுகளை பெற்றார்.

இவர் இசையமைத்த படங்களின் பாடல்கள் என்றுமே காலத்தால் அழியாத ஒன்றாக இருக்கும் என்பதில் எந்த சந்தேகமும் இல்லை. அந்த அளவிற்கு பல ஹிட் பாடல்களை மக்களுக்கு கொடுத்து இருக்கிறார். தமிழில் மட்டுமின்றி தெலுங்கு,  ஹிந்தி ஆகிய மொழிகளுக்கு சென்றும் கலக்கி இருக்கிறார்.

இவர் இசையமைத்த பல பாடல்களும் பலருடைய பேவரைட்டாக இருக்கிறது. ஆனால், இசையமைப்பாளர் ஏ.ஆர்.ரஹ்மானுக்கே பிடித்த பாடல் என்றால் எது தெரியுமா? இதனை பேட்டி ஒன்றிலே ரஹ்மான் தெரிவித்துள்ளார். இது பற்றி ஆரம்ப காலத்தில் அளித்த பேட்டியில் “ஒரு பொண்ணு ஒரு பையன் படத்தில் இடம்பெற்று இருந்த மலர்களே மலர்களே பாடல் எனக்கு மிகவும் பிடித்த பாடல்.

இதனை நாள் பல இடங்களில் கூறியிருக்கிறேன். அதற்கு காரணம் என்னவென்றால், அந்த பாடலில் வரும் ராகங்கள் கேட்பதற்கு எனக்கு மிகவும் பிடிக்கும். சில சமயங்களில் நான் பாடல்களை கேட்கவேண்டும் என்றால் அந்த பாடலை தான் அடிக்கடி கேட்பேன்” எனவும் தெரிவித்துள்ளார்.